Maymay sa Magbalantay

“Sa ubang mga nasud, walay Misa de Gallo. Proudly Filipino kini. Unya, naay mga nasud nga naay Misa de Gallo gihimo karon tungod kay dunay mga Pilipino nga nag-organize.

Sa mga Pilipino, ako nagdasig ninyo nga ipabilin nato kini nga tradisyon. And I hope you will find this Christmas meaningful.

Sa inyong pag Misa de Gallo, giubanan gyod na ninyo og sakripisyo. Og abi ninyo, makahuluganon kaayo na siya. Sa mga mata sa Diyos, bililhon kaayo na siya. I’m sure nalipay ang Ginoo nagtan-aw kaninyo nga nagbuhat ani. Gibuhat ni nato tungod kay nahigugma ta sa Ginoo ug nahigugma sad ta sa Mahal nga Birheng Maria.

Tingali angay sad mong masayod nga kining 9-day Novena Mass, ato ning gihalad para sa Mahal nga Birheng Maria. Kining 9 days, nag-represent ni sa siyam ka bulan nga ang atong Mahal nga Inahan nagsabak kang Jesus.

Sulod sa siyam ka adlaw, nag-uban ta ni Maria sa iyang pagsabak kang Jesus hangtod sa pag-abot sa adlaw nga natawhan sa atong Ginoo ug Manunubos. I hope inyo ng nasabtan aron mahimong makahuluganon kaninyo ang 9 days nga dawn masses.

Dili ni patuo-tuo ha. Pagtuo nato ni. Kon hugot atong pagtuo, way impossible, ang atong pangayuon ihatag gyod sa Ginoo. Kana kon hugot atong pagtuo, ug ang atong gipangayo makaayo gyod nato.

If it is for our own good, Jesus will never deny us. What we are asking Him, he will give it to us.

Ang Ginoo nagtan-aw nato ug sa atong kasingkasing. Ug dili siya magpanuko sa paghatag nato sa atong gipangayo basta kini maayo para kanato.

Padayon ta sa pag-attend sa Misa de Gallo. Ang uban raba maayo ra sa sinugdanan. Manghinaot ko nga dili na mahitabo nato. Pabilin ta nga mosimba sa tibuok nobenaryo.

Way bili ang mga belen kon dili mahimugso si Jesus sa atong kasingkasing. Hinaot nga matawo si Jesus sa matag usa kanato.”