Mahigugmaon ug maluloy-on nga Diyos,

Nagpasalamat kami Kanimo sa Imong walay kinutuban nga kaayo, gugma, ug pagkamatinud-anon. Bisan taliwala sa mga pagsulay ug kalisdanan, Ikaw nagpabilin nga among kusog, dangpanan, ug paglaum.

Karon, nangamuyo kami Kanimo nga puno sa kasubo ug paglaum. Among isalig Kanimo ang among mga igsuon sa General Santos ug mga silingang lugar sa Mindanao nga naapektuhan sa 7.8 magnitude nga linog.

Tabangi sila sa ilang kasakit, ubani sila sa ilang kahadlok ug kalisod. Lig-ona ang mga samaran, hupaya ang mga nagbangutan, ug hatagi og paglaum ang mga nawad-an og balay, panginabuhian, ug kalinaw sa hunahuna.

Giyahi ang mga awtoridad, mga rescuers, ug mga boluntaryo. Hatagi sila og kusog, kaluwasan, ug hustong panabot aron makatabang sila sa mga nanginahanglan.

Puno og pagtuo, amo isalig kanimo ang tibuok Pilipinas—nga sa panahon sa kalamidad, magpabilin ang pagkahiusa, pagtinabangay, ug kalig-on sa matag Pilipino.

O Ginoo, ipabati mo unta kanila ang Imong presensya sa taliwala niining kalisod, ug hinaot nga ang Imong panalipod ug kaayohan magpabilin kanunay. Itugot nga pinaagi sa Imong grasya, makabangon sila nga adunay bag-ong paglaum, kalig-on, ug pagsalig Kanimo.

Kini among gipangayo pinaagi ni Jesucristo, imong Anak, among Ginoo, nga buhi ug hari uban Kanimo diha sa panaghiusa sa Espiritu Santo, Dios hangtud sa kahangturan. Amen.

Maria, Birhen sa Guadalupe, iampo mo kami!

San Pedro Calungsod, iampo mo kami!

Sñr. Sto. Niño, kaloy-i kami!