“Mga igsuon, kon mag ampo lang gyud ta, ang atong kaaway maluya gyod ug kita ang malig-on. Pero kon mohunong gani ta sa pag-ampo, sigurado mogara ang atong kaaway unya kita na dayon ang magluya sa atong Kristohanong kinabuhi.

Mga igsuon, kinsa atong kaaway? Walay lain–daghan man tag kaaway sa kalibutan tingali noh–pero ang numero uno nato nga kaaway nga malipay kon dili ta mag ampo, kinsa? Ang yawa ug ang mga daotang espiritu.

So, mga igsuon, dili nato tugotan nga ang yawa ug ang mga madaotang espiritu magmadaogon batok kanato. Dili gyud ta angay nga muhunong sa pag-ampo ngadto sa Ginoo.

Ang yawa maningkamot gyud na siya og tintal nato nga mohunong ta sa pag-ampo. Hatagan ta niya og daghang kalingawan para makuhaan ang atong panahon sa pag-ampo, kon dili man gani, mahunong ta sa pag-ampo.

Ngano man? Kay ang atong pag-ampo makapaluya man niya.”