“Unsa may bation sa ginikanan nga naningkamot sila og maayo para sa ilang mga anak unya karon miabot sa punto nga ang mga anak mag-away sa katigayonan nga ilang gibilin? Pagkasakit ana sa ginikanan.

Kamo nga mga nagbikil-bikil pa, hunahunaa gyod na ninyo, labi na kon inyong ginikanan namatay na, sus imbis na mopahulay sa dayon, wa na nuon mahiluna. Kay ang ilang gibilin nga para unta sa kaayohan sa mga anak, giawayan man, maoy hinungdan nga nagubot.

Di gyod ta angay maghinakog. Dapat maghunahuna gyod ta kanunay sa kaayohan sa atong igsuon.

Kon naa gani na ang kahakog, magubot gyod, bisag asang dapita — kasilinganan, gamayng komunidad, simbahan, kapilya.

Pero naa gani na ang paghunahuna sa uban, malinawon, malipayon ang mga tawo.

The earth has enough for everyone’s needs but not enough for everyone’s greed.

Ang Ginoo wala gyod magkulang. Iyang gihimo ang kalibutan, igo gyod ni para natong tanan. Pero tan-awa, nganong naa may daghan nag-antos ron? Nganong daghan man nagkulang? Tungod kay daghang laog.

Kon laog gani maghari, di maigo, bisag unsa kadaghan. Pero kon way laog, bisan pa og gamay ra, maigo ang tanan.”