Niining panahon sa Kwaresma, atong palawman ang atong pagsabot sa mga pulong nga may kalabotan sa atong pagtuo.

Makatabang unta kini sa balaan natong mga buluhaton niining panahona, ug madasig unta kita pagpadayon sa pag-ampo, paghinulsol, ug pagbag-o.

abstinensya

Sa mga buluhaton sa Kwaresma, ang abstinensya mao ang dili pagkaon og karne inig Miyerkules Santo ug sa mga Biyernes sa Kwaresma, !akin ang Biyernes Santo. Ang karne dill man daotan—gani maayo kini ug lamian. Busa, sa dili nato pagkaon og karne, atong gipili ang mas simple nga mga pagkaon (isda, utan, ugbp.) isip paagi sa pagdumili sa atong kaugalingon, ug paghiusa sa mga sakripisyo sa atong Ginoong Jesucristo.

Hinuon, ning panahon sa kwaresma, daghan pang butang ang atong puyde iapil sa abstinensya: pananglit, ang pagmenos sa paggamit sa social media o ubing kalingawan, o ang paglikay sa kon unsay mas dali o mas komportable.

Ang importance dill ang pagbawal, kon dill ang kinasingkasing nga pagtugyan ining mga butanga isip sakripisyo.

puasa (fasting)

Ang pagpenitensya pinaagi sa pagpugong sa pagkaon. Dili lang kini “diet’ o pagpaniwang, kondili ang pagdisiplina sa kaugalingon, ug papahinumdom nga “dili sa pan lamang mabuhi ang tawo, kondili sa matag pulong nga mogula gikan sa baba sa Diyos” (Mateo 44: Deuteronomio 8:3). Bisan ang atong Ginoo nagpuasa man pod sulod sa kap-atan ka adlaw didto sa desyerto.

Ang Simbahan nagtakda og duha ka adlaw sa pagpuasa: inig Miyerkoles sa Badlis, ug inig Biyemes Santo. Ming mga adlawa, gitugot ang usa lamang ka kompletong kaon (one full meal), ug duha ka ginagmay nga kaon nga, kon usihon, dill mobile og usa ka kompletong kaon. Ang adlaw sa pagpuasa adlaw usab sa abstinensya.

Obligado ang tanan nga nagpangedaron og 18 hangtod 59, gawas sa mga masakiton.

limos (almsgiving)

Ang paghatag og kwarta, panahon, o tabang ngadto sa mga nanginahanglan. Usa kini sa tulo ka mga haligi sa Kwaresma, ubán sa pag-ampo ug pagpuasa. Labaw sa paghatag, ang paglimos natudlo kanato sa dili paghawid sa mga kabtangan, ug sa pagbáti usab sa mga kalisdanan sa atong isigkatawo.

“Dili ba ang puasa nga akong gikinahanglan mao man nga hatagan ninyog pagkaon ang mga gigutom, ug papuy-on ninyo sa inyong balayang mga kabos nga walay puloy-anan, ug nga bistihan ninyo ang hubo, inay pasagdan ninyo ang inyong kaigsuonan? Sa ingon, modan-ag ang inyong kahayag ingon sa banagbanag sa kabuntagon, ug mamaayo kamo pagdali; maggiya kaninyo ang inyong katarong, ug sa inyong luyo panalipdan kamo sa akong himaya.” (Isaias 58:7-8)

kompisal

Ang Sakramento diin kita nahiuli sa grasya sa Diyos. Kini gikan sa Kinatsila nga confesar, nga gikan usab sa Linatin nga confessio, nga sa ato pa, “pagtug-an”— tungod kay, sa pagpangayog pasaylo, kinahanglan natong itug-an ang atong mga sala ngadto sa pari. Diha sa pagbasol, malig-on kita nga mosaad sa paglikay na sa pagpakasala, ug pagbuhat sa penitensya isip hulip sa sala nga nahimo.

Ining sakramentoha ang Pari mohatag sa Absolusyon, ang maoy gahom nga gihatag sa Ginoo sa mga apostoles: “Kang bisan kinsang mga salâ nga inyong pasayloon, kini gipasaylo; kang bisan kinsang mga sala nga dili ninyo pasayloon, kini dili pasayloon” (Jn 20:23).

absolusyon

Ang mga pulong sa pagpasaylo nga isulti sa pari sa Sakramento sa Kompisal. Dili lang kini pormula, kondili ang Diyos mismo mao ang nagpasaylo sa sala pinaagi sa ministeryo sa pari: “Kang bisan kinsang mga salâ nga inyong pasayloon, kini gipasaylo; kang bisan kinsang mga salâ nga dili ninyo pasayloon, kini dili pasayloon” (Juan 20:23).

Ang mga pulong sa absolusyon mao kini: “Ang Diyos Amahan nga maluluy-on mipahiuli sa kalibotan ngadto kaniya pinaagi sa kamatayon ug pagkabanhaw sa iyang Anak, ug mipadala nganhi kanato sa Espiritu Santo aron pagpasaylo sa mga sala: Pinaagi sa pangalagad sa Simbahan, pasayloon ka unta sa Diyos ug hatagan sa kalinaw. Ug ako nagapasaylo kanimo sa imong mga sala sa ngalan sa Amahan, ug sa Anak, ug sa Espiritu Santo. Amen.”

pagsusi sa tanlag (examination of conscience)

Ang pagbalik-tan-aw sa atong mga nabuhat sa rniagi: sa atong mga hunahuna, pulong, buhat, ug apil ang mga wala mabuhat nga kinahanglan untang buhaton. Kining tanan atong susihon subay sa mga sugo sa Diyos, ilabi na sa gugma alang Kaniya ug sa atong isigkatawo.

Ang pagsusi sa tanlag importanteng bahin aron pagpangandam sa pagkompisal, apan maayo pod ni nga buhaton matag adlaw, aron pagpakisayod og kumusta na kita sa atong kahimtang espirituhanon.