Maymay sa Magbalantay

“Si Jesus, diha sa natad sa moral nga kinabuhi, ug sa question og unsay sakto o unsay dili, walay higalaay.

Mao ni problema sa daghan kanato kay kon di nato higala, di nato kaila, sayun-sayunon nato og saway. Kon naay mabuhat nga di maayo, birahan gyod nato. Daghan tag ikasulti. Daghan tag ikasaway.

Pero og ato ganing higala, murag mabuta ta. Wa tay makit-ang sayop. Unya maamang sad ta. Wa tay ikasulti nga dautan para sa maong tawo, bisan gud og nahibaw-an na nato nga nagbuhat og dili angayan. Bisan og nahibaw-an nato nga nangurakot, o naghimo’g illegal nga negosyo, ato mang higala. Hilom ra kaayo. Di gyod ta kasulti sa unsay angay buhaton.

Mao ni sakit nato. Basta ato gani higala o kapamilya, wa na tay matingog, gani ato pang tabunan ang iyang dautan nga binuhatan.

At least makat-on ta og usa ka importanteng butang gikan kang Jesus. Daghan siyag higala nga mga Parisiyo pero kon naa gani silay isulti o buhaton nga di maayo, sawayon gyod ni Jesus.”