Mga Pagbasa

Unang Pagbasa: Wis 13:1-9
Salmo: Ps 19:2-3. 4-5
Ebanghelyo: Lk 17:26-37

Maymay sa Magbalantay

“Mga igsuon, adunay nindot nga panultihon nga nag-ingon, “The sun rise tomorrow, but you may not.” Tinuod kaayo, mga igsuon, nga ang adlaw molabay puli-puli karon, ugma, sunod adlaw… usahay dag-om pero mosubang gyod na. Pero kitang tawo, posible nga ugma dili nata kasubang. Posible nga mawala na ta. Mao nang ang challenge nato, the sun may rise tomorrow, but you may not – Repent Now! 

Nindot kaayo na nga pahimangno, mga igsuon, sibo kaayo na sa Ebanghelyo ni Kristo karong adlawa kay naghisgot man siya sa pag-abot sa anak sa tawo. Nga mao siya [Kristo], iya gipasabot nga anytime moabot ang anak sa tawo, sa kalibutan ug sa atong tagsa-tagsa nga kinabuhi. Ang problema, daghan kanato, dili andam. Ngano man? Malingaw ta sa kalibutan, daghan tag mga kabusy-han. 

Actually, mga normal kaayo nga mga lihok sa tawo matag adlaw sa atong kinabuhi maoy gihisgutan ni Kristo pero ang problema kay naay usa ka butang nga ilang napasagdan, unsa man kana nga butang? Ang ilang relasyon sa Diyos maoy nawala nila. 

Mga igsuon, nindot ning paghulagway ni Kristo aron kita dasigon nga dapat angay gyod tang magbinantayon ug angay gyod nga naa tay Ginoo sa matag adlaw sa ato kinabuhi, kay ingkaso moabot siya anytime sa kalibutan, sa ato tagsa-tagsa nga kinabuhi, mahimo tang andam na puhon. 

Pero daghan sa mga tawo, wala ma’y pagtagad sa pulong sa Diyos. Wala puy pagtagad sa panahon sa pag-ampo kay sige lang sila’g kalingaw sa ilang gihawiran, ilabi na ning new generation. Makasubo nga daghang higayon nga ang mga tawo, mahinumdom lang sa Diyos kon naay katalagman nga mahitabo. Okay lang kung maluwas pata apan kon ang katalagman magdala na’g kamatayon nato, unsaon nalang? Mawala ta ning kalibutan nga wala tay panahon nga nakabalik sa Diyos, nga nagpaduol niya.

Unta matag adlaw, ato siguroon nga ang Diyos maghari sugod sa atong kasingkasing, dihas ato panimalay, ug diha sa atong gamay nga komunidad. Sa unsang paagi-a nato siya paharion? Pinaagi sa pag-uban Kaniya sa tanan natong pagabuhaton.

Sa buntag, adunay giingon, “Prayer must be done–key in the morning and the lock of the night.” Meaning ang pag-ampo kuno, pagpakighinabi sa Ginoo, dapat maoy mag-abli sa atong kabuntagon, unya mao gihapon nga matang sa pag-ampo, pakighinabi sa Diyos maoy mosira sa atoang adlaw diha sa kagabhion.

Ato gyud pangayoon ang giya sa Ginoo sa pagpakiguban sa tanan natong pagabuhaton. I hope nga we make it a habit to always bring God, in everything we do during the day. In other words, ang Ginoo maoy modirekta sa atong kinabuhi. Siya maoy pilot, dili kita. Ug ugaling kita gadrive sa ato kinabuhi, dapat mosibog ta. Ang Ginoo maoy ato pa driveon kita kay co-pilot lang ta, diri lang ta sa kilid.”