Mga Pagbasa
Unang Pagbasa: Rm 1: 16-25
Salmo: Sal 19: 2-3, 4-5
Alleluia: Heb 4: 12
Ebanghelyo: Lc 11: 37-41

Maymay sa Magbalantay

“Dili lang ang panagway o ang gawas maoy tan-awon sa Ginoo. Kondili ang sulod sa atong tagsa-tagsa ka kasingkasing.

Pwede ta mag-ampo kada adlaw, unya mosimba kada Domingo. Pwede ta nga daghang himuon kalihukan sa simbahan.

Apan kon diha sa atong kasingkasing puno gihapon ta sa kalaog, kasuko, pagdumot, unya wa tay kaluoy, mawad-an gyod og bili ang tanan natong maayo unta nga gipanghimo.

Ang gusto sa Ginoo dili lang limpyo nga mga kamot kondili limpyo nga kasingkasing sa tawo.

Ang nindot nga pangutana mga igsuon mao nga unsa man atong himuon aron masiguro nato nga kining atong gipangbuhat limpyo labi na gyod atubangan sa Ginoo? We can make ourselves appear to people as clean but deep inside it’s not really like that.

Una, we need to purify our motives. Unsa may atong tumong sa pag-ampo pananglitan o pagbuhat og maayo? Aron mapasidunggan atong kaugalingon o aron nga mapasidunggan ang Diyos?

Ikaduha, we need to pray with humility. Kon mag-ampo ta, ubanan gyod nato og mapaubsanong kasingkasing. Kon atong pag-ampo, pag-rosaryo, mapahitas-on, dili maayo. Makahugaw na sa atong kasingkasing.

Katapusan, we need to practice mercy and compassion. Ang pagkamanggihatagon ug pagkamaluloy-on makalimpyo sa atong kasingkasing ug sa atong mga binuhatan. Ang tinuod nga debosyon ubanan gyod og buhat sa gugma.”