Mga Pagbasa

Feast of the Dedication of the Lateran Basilica
Unang Pagbasa: Ez 47:1-2. 8-9.12
Salmo: Ps 46:2-3. 5-6. 8-9
Ikaduhang Pagbasa: 1 Cor 3:9-11. 16-17
Ebanghelyo: Jn 2:13-22

Maymay sa Magbalantay

“Maong naay special feast day sa Dedication of the Basilica St. John Lateran, piyesta gyod ni, tungod kay siya mao ang mother of all Churches in the whole world. Ato ning gipasidunggan dili lang tungod kay siya ang pinakauna or pinakakaraan nga simbahan kon dili sa lawom nga kamatuoran nga iyang gipadayag. Ang maong Inahan nga Simbahan magpadayag sa kamatuoran nga ang tanang Simbahan sa tibook kalibutan, maggamay o madako, magpakita nga ang Diyos makig-uban gyod sa Iyang katawhan.

Ang basilika–ang templo sa Diyos, ang balay sa Diyos–magpadayag sa dakong gugma sa Diyos para kanato. Bisan asang dapita, naay balay sa Diyos. Kini magpakita nga ang Ginoo gusto gyod makig-uban nato.

Mao nay powerful symbolism of St. John Lateran Basilica. Isip Inahan nga Simbahan siya magpadayag sa gugma sa Diyos nga anaa diha sa matag Simbahan. Ang matag Simbahan maoy lugar diin ang tawo makauban sa iyahang Diyos diha sa pag-ampo.”