Maymay sa Magbalantay

“Aron ta nga makaabot ngadto sa langit, aron makaabot ta sa kiliran sa Diyos uban sa kinabuhi nga dayon puhon, kinahanglan gyod ta nga magbinantayon.

Ngano man? Tungod kay naa man gyod dautan nga espiritu nga nagtinguha sad nga mokabig nato palayo sa Diyos ug paduol niya. Ang yawa naa kanunay naninguha nga makuha ta tungod kay nasina man siya sa Diyos. Ug gusto niya nga ang mga gihigugma sa Diyos iyang makuha, iyang madala ngadto kaniya. Mao ni kalipay sa yawa.

Mga igsuon, magbantay ta kanunay. Di ta magpalabi og kaon, inom sa ilimnong makahubog. Physically di maayo sa atoa. But also spiritually. We need to have discipline in our life.

Kay kon magpatuyang ta, malipay ang yawa kay sigurado siya nga makuha ta niya. Kon wa tay disiplina sa kaugalingon, magpasulabi sa kagustohan, mao ni mga yawan-ong tinguha. Kon malimot ta nga kinahanglan ta og self-control, dali ra ta nga makabig sa dautan. Self-discipline, self-sacrifice, self-denial, these are spiritual exercises very important for our salvation.

Kinahanglan ta magmatngon kay pwede moabot ang Ginoo sa atong kinabuhi pinaagi sa mga panghitabo, pinaagi sa mga tawo nga nanginahanglan nato og tabang. Iya baya gi-identify ang iyang kaugalingon diha sa mga kabus, sa mga gigutom, sa mga giuhaw, piniriso, masakiton, mga walay balay, sa mga walay nagtagad kanila. Iyang gihiusa iyang kaugalingon aning mga tawo nga kabus ug naglisod. Kon moduol sila nato, kinahanglan magmatngon ta aron makabantay ta sa presensya sa Diyos niining mga tawhana.

Naa pod ang Ginoo sa iyang mga kabuhatan. We need to recognize God in His beautiful creation para magbantay ta ug mag-amping ta niining mga butang nga binuhat sa Diyos. Matawo man o butang, mga mananap, mga importante nga kabuhatan sa Diyos, kinahanglan mag-amping ta nila. Gihatag sila sa Ginoo nato aron gamiton sa maayo.

Pag-ampo gyod sa kanunay. Ang gusto sa Ginoo nga magpuyo ta og kinabuhi nga naa gyod siya always.

Ato ba ning gibuhat? Nagpuyo ba ta og kinabuhi nga naa kanunay ang Diyos?

Daghang higayon nga naa ang Diyos nato kon naa ta sulod sa simbahan o atubangan sa altar. Pero paghuman ana, ato man ibilin ang Ginoo.

Ang tinuod nga kalipay sa Ginoo nga ato siyang dalhon sa atong kasingkasing. Dili nato ibilin sa simbahan o sa altar. Dalhon siya nato kay kita man gyod ang templo sa Espiritu Santo.

God wants to be with us as we walk in this world. Pray always, not because God forgets us, but because we often forget Him.

Mag-ampo gyod ta sa tanang higayon. Prayer should be the key in the morning and the lock at night. When life is good, pray. When life is difficult, pray.

The reason why people are tempted to do bad things, why there is graft and corruption, is because people do not pray regularly. Kon mag-ampo lang gyod ta sa tanan natong pagabuhaton, kinsa may makahunahuna ana og dautan. Makahunahuna pa ka og panikas? Og pangawkaw? Dili na oy. Unsaon gud intawn na nimo pagbuhat kon dunay Ginoo nga nag-uban nimo.”