Mga Pagbasa:
Unang Pagbasa: Rm 1: 1-7
Salmo: Sal 98: 1, 2-3ab, 3cd-4
Alleluia: Sal 95: 8
Ebanghelyo: Lc 11: 29-32

Maymay sa Magbalantay

“Pag-ampo, paghinulsol kamo ug balik na ngadto sa Diyos — mao kini panawagan sa Mahal nga Inahan [sa Fatima]. Para nako, mao kini ang mas labing importante. Mas importante pa kaysa sa pagsayaw sa adlaw.

Human milabay ang 108 ka mga katuigan, ang maong mensahe sa Mahal nga Inahan nagpabilin nga importante. Hilabi na para kanato nga mga Pilipino nga karong panahona nakasinati og sunod-sunod nga mga linog.

Gitay-og ta, dili lamang sa linog, kondili apil na ang mga panghitabo niining panahona. Kining nabulgar nga pagpangurakot. We experience this natural calamity, ang linog, pero naay moral calamity nga nakapatay-og usab sa atong katawhan.

Dunay nangutana nako, ‘Bishop, nganong kanunay man ta nga giuyog-uyog?’ Ang akong tubag, kahibaw mo unsa? Basin dunay wala pa nahigmata kanato. Panahon na mga igsuon nga makaamgo ang tanan. Maghinulsol ta, ug balik na ngadto sa Diyos.”