Snippets of the homily delivered by Cebu Archbishop Alberto “Abet” Uy during the Eve of the Solemnity of Mary, the Holy Mother of God at the Cebu Metropolitan Cathedral. (31 December 2025)

“Mao ni unang hagit sa tuig: Dawaton nato ang panalangin sa Diyos. Unya sa matag adlaw, mao usab atong tinguhaon — nga mapanalanginan ta. Sa pagmata, sa wala pa ang cellphone, sa dili pa motan-aw sa social media, mohilom ta, mag-ampo, ug mangayo sa Diyosnong panalangin.

Moingon ta: “Ginoo, salamat sa bag-ong adlaw. Panalangini ako ug ang among banay. Ubani kami kanunay aron sa disgrasya malikay, ug aron ang tanan namong pagabuhaton masubay gyod sa imong kabubut-on.”

Kon panalangin ang moabli sa atong adlaw, maato ang kalinaw. Wala ni magpasabot nga wa na tay problema. Duna gihapoy problema, pero ang mga problema atong makaya kay dunay Diyos nga motabang nato sa pagdala.”