Maymay sa Magbalantay

“Kon naa tay dako nga desisyon nga himuon, angay gyod tang makat-on ni Jesus. Sa wa pa siya maghimo og dakong lakang, nag-ampo gyod siya sa dugay nga panahon.

Nindot ni kaayo nga panig-ingnan para kanato kay daghang higayon, maghimo tag mga lakang, makalimot ta sa pag-ampo. Matingala pa gyod ta nganong wa ta magkadimao, nganong napakyas.

Sa di pa ta mohimo og lakang, magamay o madako, sa di pa ta mohimo og aksyon o desisyon, sangpit gyod ta og Ginoo. Kon mas dako nga desisyon o lakang, mas taas gyod nga panahon sa pag-ampo ang gikinahanglan.

Mangayo ta og giya sa Ginoo kay nasayod ta nga di ta makakita sa tanan, di ta makapangagpas sa tanan, ug di sad gyod nato mahimo ang tanan sa paagi nga di masipyat. Maong kinahanglan ta og giya gikan sa Diyos ug mahimo nato na pinaagi sa pag-ampo.”