Maymay sa Magbalantay

“Kining magdumili, kining malimot sa kaugalingon, mao ni ang tawo nga selfless. Kamao siya nga malimot sa iyang kaugalingong panginahanglan para sa uban. The selfless person, that is our calling. We cannot follow Christ if we are not selfless.

Ang opposite ana, selfish. Ang tawo nga naghunahuna lang pirmi sa iyang kaugalingon, mao nay selfish. Ug kanang maong tawo, maglisod gyod nga mahimong tinuod nga Kristiyano.

Kasagaran nato, ang tentasyon, mahimo gyong selfish. Gikan sa buntag sa atong pagmata, hangtod inig ka gabii, kanunay man gyod nato siguroon ang atong kaugalingong panginahanglan. Mao nay human tendency nga apektado kaayo sa salang panulondon.

Pero gitawag ta sa Ginoo nga mogawas sa atong kaugalingon aron mahimong selfless ug maghunahuna na sa uban para sa ilang kaayohan.

Sekreto ni sa kalipay pod. Kon ikaw, imong gihunahuna kaugalingon ra, pagkagamay sa imong kalibutan. Pero kon naghunahuna ka sa imong isigkatawo, sa imong igsuon, sa imong silingan, sa ubang mga tawo sa layo nga nanginahanglan og tabang, molapad imong kalibutan, maluag.

It’s an invitation for each one of us to go outside of ourselves, to expand our world, and to be happy. Ang tawo nga kanunay ra maghunahuna sa iyang kaugalingon, dakong puruhan, mag self-pity, magmasulob-on. Dili gusto ang Ginoo nga mahimo kang masulob-on, mao na nga iya tang gidapit nga makat-on ta nga magdumili sa kaugalingon para sa uban aron kita magmalipayon.”