“Ang labing klaro nga estorya noh, mas daghan siguro nato ganahan nga tawgon og agalon. Pero suluguon? I’m not sure.

Nindot ni nga pahimangno nato. Kay sa tinuod lang, kitang tanan mga piniyalan ra gyod. Ang nakanindot kung nakasabot ta ani, dili gyod ta mahimong mapahitas-on.

Magpabilin gyod ta nga down to earth, mapaubsanon, kay kahibaw man ta nga diri sa kalibutan dili man gyod kita ang boss, naa man gyod usa didto nga maoy boss, maoy tag-iya sa tanan.

Kon kahibaw lang gyod ta nga piniyalan ta, ang tendency nato, to take care. Mag-amping ta sa mga naa nato kay kahibaw man ta nga in the end, we will be held accountable by the true and real owner of things nga mao ang Ginoo.

Ang problema kon magpakaagalon gyod ta, nga murag feeling nato kita gyuy tag-iya sa tanan nga naa nato. Unsa may mahitabo? The tendency is to use and abuse.

Mapobre o madato, ma-ordinaryong tawo o madakong tawo, pareho ra gyod ta. We are all stewards.”