Maymay sa Magbalantay

“Kining maong adlaw maghatag nato og kahigayonan nga moduaw, maghandum, ug mag-ampo sa atong mga minahal sa kinabuhi nga nauna nato.

Ang atong panaghigugmaay dili matapos sa kamatayon. Bisan atong mga igsuon nag-una nato, ang atong gugma nila nagpadayon. Ug nasayod sad ta nga ang ilang gugma para kanato nagpadayon.

It’s a beautiful occasion for us to once again relish our love for each other. Kay mga igsuon, ato lang gyod dawaton nga tinuod, inig kamatay sa atong minahal, sakitan ta pag-ayo. Gani ang uban nato gusto pa mouban inig lubong kay di ta kadawat nga mawala na nato.

Pero ang kamatuoran mao kini, sa atong kinabuhi ma-busy nata og maayo. Manginabuhi man ta. Ug daghang higayon malingaw sad ta. Mao na nga dako og chance nga ang atong kamingaw sa atong minahal nga namatay usahay mawala kadugayan. Unya gani malimtan pa nato sila.

Mao na importante kaayo para sa simbahan nga motagana gyod og adlaw sa tuig nga atong handumon atong minahal sa kinabuhi nga nangamatay na.

Kaning adlaw sa mga patay, maghatag usab nato og kahigayonan nga makapadayag, magsangyaw sa atong pagtuo sa pagkabanhaw.

Sa tinuod lang, daghan baya mga tawo di motuo og pagkabanhaw. Para nila ang kinabuhi mao ra gyod ni, kaning naa sa kalibutan. Para nila inig kamatay, that’s it. Humana ang tanan. Mao na maluoy sad ta.

Sa laing bahin, dunay mga tawo nga tungod di sila motuo og pagkabanhaw ug para nila kining kinabuhi mao ra man ni, pahimuslan nila og taman. Hutdanay.

Ang downside ana, di ka kahibaw mag-amping kay para nimo mao naman ni. Gani, inig kaluya sa tawo nga way pagtuo sa pagkabanhaw, mawad-an na siya og kusog, mo-prefer siya nga patyon nalang. Mao na daghan mo-support og euthanasia. Labi na sa mga tawo nga way pagtuo sa pagkabanhaw. Para nila, kon wa nay kahulugan ilang kinabuhi, para asa pa man?

Salamat sa Diyos nga daghan nato nagtuo ta sa pagkabanhaw tungod kay kita mga Kristiyanos man. Tungod kita nagtuo kang Kristo. If somebody asks you why do you believe in the resurrection? The answer is simple and clear, it’s because we believe in Jesus Christ.”