Maymay sa Magbalantay

“Daghan kanato dali kaayo mabalaka, dali magguol, dali mahadlok. Daghan tag kagul-anan, tawhanon kaayo ba.

Magguol ta sa daghang mga butang — sa atong panalapi, panudlanan. Daghan kanato magguol sa kahimsog, sa panglawas. Ang uban magguol bisan unsa nalang, ang uban magguol sa porma, sa nawng, tigulang nata, nangunot nata.

Dunay magguol sa anak, unsay nahitabo nila. Ang uban nagguol sa ilang trabaho, molahutay ba kaha sila dinhi. Ang uban magsigeg kabalaka sa katalagman nga moabot, mahadlok kon maunsa nalang ta sa umaabot nga mga katuigan. Ang uban sigeg kaguol sa negosyo.

Tawhanon kining tanan. Pero nindot atong pahinumduman atong kaugalingon nga worrying doesn’t solve anything.

Nindot ni ang gisulti sa usa ka magsusulat, “Worry doesn’t take away tomorrow’s problems. It only takes away today’s peace.”

Di gyod ta angay magsigeg kaguol. Salig lang ta sa kahitas-an.

Duna poy nag-ingon nga whatever is going to happen, it will happen, whether we worry or not. Kon gitakda na sa Ginoo nga mahitabo, mahitabo gyod na, bisan pa og magguol ka o di.

If God is with us, who can be against us? Mahadlok pa ka ana? Kon naa nato ang Ginoo, kinsa may makapanghilabot nato?

Ang pangutana karon, naa ba nato ang Ginoo? Mao nay atong paningkamutan. Mao nay labing dakong hagit para kanato, to stay with God and to allow Him to lead us, hold us, embrace us.

Unya daghan mang higayon sa adlaw nga malimtan nato ang Ginoo. Naa na diha ang dakong problema. Kana maoy angay natong kagul-an. Angay tang magguol kon naay mga higayon sa atong kinabuhi nga ang Ginoo atong kalimtan.

Maningkamot gyod ta. Make it a conscious effort nga ang Diyos iuban gyod nato sa atoang kinabuhi. Because if God is with us, who can be against us? Kon naa ang Ginoo nato, kinsa may makigbatok nato? Kinsay makalupig nato?”