Mga Pagbasa

Feast of the Dedication of the Lateran Basilica
Unang Pagbasa: Ez 47:1-2. 8-9.12
Salmo: Ps 46:2-3. 5-6. 8-9
Ikaduhang Pagbasa: 1 Cor 3:9-11. 16-17
Ebanghelyo: Jn 2:13-22

Maymay sa Magbalantay

“Mga igsoon, kining Ebanghelyo magpahinumdum nato nga ang balay sa Diyos, ang templo sa Diyos, angay gyod natong ipabilin nga sagrado. Dili ni siya angay nga himoong merkado.

Often, we forget that the Church, the temple of God, is a sacred place.

Nindot kaayo ning panultihon, kon ampingan pud nato ang balay sa Diyos, ang Diyos pud moamping sa atong tagsa-tagsa ka panimalay.

Ang templo nga gipasabot ni Kristo dinhi mao ang templo sa Iyang lawas.

Ang matag taw templo usab sa Espiritu Santo.

By our Baptism, we became children of God. By our confirmation, we became temples of the Holy Spirit.

Mag-amping gyod ta, mga igsoon, sa atong kaugalingon, sa atong kahiladman kay ang Balaang Espiritu magpuyo [kanato]. Dili unta ta harian sa kalautan, dili unta ta harian sa kasuko, dili unta ta harian sa kamasinahon, dili unta ta harian sa pagdumot. Ngano man? Tungod kay matag usa kanato templo sa Espiritu sa Diyos.

Nindot sad nga tugutan nato si Kristo molimpyo sa atong tagsa-tagsa ka mga kasingkasing, temple of the Holy Spirit. Kung anaa ta sa sala, mangumpisal ta, mangayo tag pasaylo sa Ginoo. Unya maningkamot ta nga dili magmantinir og mga dautan, hugaw nga mga kinaiya dinha sa atong sulod.

Kay matag tawo templo man sa Balaang Espiritu, hinaot magbantay ta nga di ta magpasakit og laing taw. Mag-amping ta, mga igsoon, nga sa pulong ug sa lihok, di nato mapasakitan ang laing tawo. Ngano man? Tungod kay matag kasingkasing sa tawo, anaa ang Diyos.”