Mga Pagbasa

Unang Pagbasa: Wis 18:14-16; 19:6-9
Salmo: Ps 105:2-3. 36-37. 42-43
Ebanghelyo: Lk 18:1-8

Maymay sa Magbalantay

“Please do not forget this: it’s okay not to be okay. Ang mga problema ug mga pagsulay moabot man gyod na sa atong kinabuhi from time to time. Naay mga adlaw gyod nga lisod.

Naa pod tay issues sa atong panlawas. Naa pod tay minahal nga na problema sad ug nakapaguol nato. Duna tay mga anak nga giatiman, ang uban badlungon.

Naa pod tay mga trabaho, mga negosyo nga usahay maapiki.

It’s okay not to be okay. Ayaw ninyo isipa nga dautan kaayo. Just recognize it kay ingon ana man gyod ang tawhanon nga kinabuhi. Di man tanang panahon malipayon ta. Di man tanang panahon kondisyon ta.

Ang ako lang mabati sa matag usa nga ang problema naa gyod na, kabahin sa atong kinabuhi. Importante lang nga unta duna gyod tay kadangpan. Dili nato solohon atong problema.

Ako manghinaot matag usa kanato duna tay tawo nga kasaligan una sa tanan nga atoang kadangpan. Kining mga issues sa atong kinabuhi atong ipaambit sa uban kay sa imong pagpaambit magaanan ka. Ayaw pagpanuko.

Ang importante lang nga di pod ta basta-basta moduol og magpaambit kay basin ipanabi ra ta. Kon magpataka ta og duol, basin i-marites ra ta. Pilia ang tawo nga imong kasaligan, imong nailhan, imong higala.

I pray that you have a friend who you can trust. Kon naa kay higala, swerte ka kaayo. Mao nay bahandi sa imong kinabuhi nga di kabayran og kwarta.

In kaso lang og apiki ta anang dapita, og wa tay dali nga maduolan, ayaw kalimot nga naa gyod tay Ginoo nga sa kanunay available ug andam nato nga maduolan. Andam maminaw nato.

I hope nga sa matag balay nato, sa atong mga nahimutangan, naa gyod tay gipahiluna nga altar diin ta mopaingon sa mga panahon nga mabug-atan ta.

Gani, dili lang sa panahon nga mabug-atan ta, day in, day out, sa daghang higayon, naa gyod ta sa Ginoo mopadulong.

Kitang mga Sugboanon, we have our strong faith in Sñr. Sto. Niño. Naa man ang Diyos nga bata nga magpanalipod nato, magbantay nato. Duol ta sa Sñr. Sto. Niño sa mga panahon nga naglisod ta, nga apiki ta.

Gawas ana, naa pa gyod tay Mahal nga Inahan, ang Mahal nga Birhen sa Guadalupe. Ato gyod giisip nga kadangpan sa panahon nga duna tay suliran.

Again, it’s okay not to be okay. If we are not okay, we go to God in prayer. We ask the help of Sñr. Sto. Niño. We ask the help of Our Lady of Guadalupe. Ug nindot pod nga naa tay higala nga atong kadangpan.“