“Kinahanglan gyod ta og kausaban sa atong kinabuhi. Matag karon ug unya, kitang tawo, malayo sa Ginoo, makasala, magbuhat og dili angayan.
Ang problema kon dili lang matag karon ug unya. Kana bang mahimo siyang way of life. Kanang kinabuhi nga wa gyod motunong sa kabubut-on sa Ginoo.
Mao nga panahon ni mga igsuon nga seryosohon nato pagtan-aw ang atoang kinabuhi, atong paminawn ang atong kahiladman.
Naa pa ba ta sa Ginoo? Atong tan-awon ang dagan sa atong kinabuhi, nagpadulong pa ba ta sa Ginoo or nag-anam ba ta og kalayo niya? Try to see and check.
Di gyod ta kakita sa dagan sa atong kinabuhi karon. Di sad ta makahinuklog. Di pod ta masayod kon unsa na gyod atong kahimtang ron kon di ta [makighinabi sa Ginoo].
Kumusta man ta? Nagkaduol ba ta sa Ginoo o nagkalayo niya?
Kining paghinulsol dili lang ni ordinaryo nga moingon ta og sorry. Well, that’s part of it. Pero kahibalo gyod ta mga igsuon nga sa daghang higayon, ang sorry pulong ra. Ang tinuod nga paghinulsol mo-involve gyod siya og change of mind and heart. Magsugod sa kahiladman, sa konsensya, ang tinuod nga kausaban.
Sa atong paghinulsol, kon kita nakasabot nga di nani mao, nagkaanam nata kalayo sa Ginoo, U-turn ta para mopadung ta balik sa Ginoo. Unya ayaw dugaya kay mosamot ka og kalayo.”