Maymay sa Magbalantay

“Wala man moingon ang Ginoo nga diyutay ra ang maluwas kay I’m sure ang Ginoo nasayod nga kon iya ng isulti, daghan ang ma-discourage. Unsaon nalang kon gamay ra ang maluwas? Sigurado daghan di maapil kay perting badlungona, tapulana, maapil sa mga tsismis, pagpanglibak.

Wala pod siya moingon nga ayg kabalaka kay daghan ang maluwas. Nasayod pod siya nga kon iya ng isulti, daghan nato modako ang ulo, mokompyansa, di na magtagad sa angay nga buhaton, di maminaw sa kabubut-on sa Ginoo.

Unsa man diay gisulti sa Ginoo para di ta mawad-an og paglaum unya di pod ta mag-abuso?

Ingun siya, paningkamot kamo pagsulod sa sigpit ng pultahan.

Paningkamot, ayaw pagtapol, ayaw balewalaa. Make a conscious effort. Kada adlaw, paningkamot, pagtinguha nga makabuhat ka sa kabubut-on sa Ginoo.

Dili baratuhon ang langit. Di mani ingon nga ipang-sale lang ni diha. Precious jewel kana. Pinakadako nga bahandi. Mao na ato sad ipakita nga maningkamot ta makasulod sa gingharian sa Diyos.

Way lain nga bahandi nga makatupong ani kay dinhi ato makauban ang Ginoo sa kahangturan. Unya imo diay na sayun-sayunon? Hayahaya man ka.

Maningkamot man gani ka makasulod sa mahalong hotel. Maningkamot man gani ka makasakay og nindot nga sakyanan. Unya kini na nuon, langit nani, di ka maningkamot?

Kon di ka maningkamot, sa langit di makaabot.”