Mga Pagbasa

Unang Pagbasa: 1 Mc 1:10-15. 41-43. 54-57. 62-63
Salmo: Ps 119:53. 61. 134. 150. 155. 158
Ebanghelyo: Lk 18:35-43

Maymay sa Magbalantay

“Possible diay na mga igsuon nga duna kay mata pero di ka kakita? Possibe kayo. Mao ni siyay gitawag og spiritual blindness – pagkabuta nga espirituhanon. Ato ning sabton kay basin ingon ani usab atong kahimtang ba. Mas dako raba ning problemaha.

Sa ebanghelyo, naay tawo nga murag hopeless na gani, wa siyay kahimoan, napasagdan na daplin sa karsada, unya nakita niya si Jesus. Grasya sa Ginoo gyod to, sa Espiritu Santo, nga nag-abli niya, naghatag niya og kahayag sa sulod nga makabati siya nga kini si Jesus, ang Mesiyas nga dugay na nga gipaabot.

Mga igsuon, kon naa man gani tay grasya nga pangayuon sa Ginoo karon, kana untang makakita ta ni Jesus nga mao ang atong kaluwasan.

Mao ra gyod, way lain. Si Jesus ra gyod ang atong kaluwasan. Unya nindot kaayo nga maabli na atong mga mata kay daghan kanato wa pa gyod makakita.

Pananglitan sa atong sitwasyon karon, moabot gyod ta sa punto ba nga naa pa ba tay paglaum mausab? Kining graft and corruption, naa pa ba tay paglaum nga mausab? Grabe naman ni nga sitwasyon. Wa naman tay kapaingnan ani. Naa pa ba tay kapilian?

Kining nahitabo karon sa atong kalikupan, sa atong environment diri sa Cebu, naa pa ba tay pag-asa? Mausab pa ba ni? Maplano pa ba ni? Kining mga gipangguba, maayo pa ba ni?

Kon moingon mo nga di na kay nawad-an namo og paglaum, makasabot ra gyod ko ninyo kay usahay mobati usab ko ana.

Pero karon gipahinumduman ta sa ebanghelyo nga naa pa tay paglaum. Ang ato nalang nga ablihan nato atong mga mata nga makakita nata unsa ang sitwasyon, unsa kalisod kining maong kahimtang tungod kay naghari ang sala, naghari ang dautan diha sa katilingban ug diha sa kasingkasing sa mga tawo.

Each one of us kinahanglan makakita nata nga ang atong kaluwasan si Jesus ra gyod, sama aning maong buta. Not until nga maka-realize ta ana ug makakita ta ana, di gyod ta maluwas.

Mga igsuon, kon motuo lang ta nga si Kristo maoy makatabang nato aning panahona, maayo ta. Mausab ra ta. But we need to open our eyes. Kinahanglan moduol ta kang Jesus ug atong dawaton ang iyang mensahe, atong pasudlon sa atong hunahuna ug kasingkasing, ug atong puy-an.

Each one of us. Dili lang ang mga leaders ang nanginahanglan og kausaban. Bisan unsaon pa nato’g singgit ug rally diha, kon ang atong pausbon ang mga leaders ra, unya kita dili ta mag-usab, nothing will happen.

Hinaot we open our eyes that we need Jesus and we should ask Him to enter into our hearts and into our life. Pasudlon gyod nato ang Ginoo ug atong sugdan pagpuyo ang iyang kabubot-on sa atong kinabuhi.

Of course, mo-demand ta sa leaders but at the same time, in going there, we need to change not only the system but ourselves also. Kon di ta motuo ana, walay chance. Pero kon motuo ta nga si Kristo ra gyod ang makaluwas nato ug kinahanglan ato siyang pasudlon sa atong kinabuhi, naa diha atong kaluwasan. Kon ingun ana atong pagtuo, maato ang kaayohan.”