“Nagdawat kita sa Lawas ni Cristo matag Domingo. Apan usahay, napakyas kita sa pagkahimong Lawas ni Cristo gikan sa Lunes hangtod sa Sabado.

Nagdawat kita kang Jesus sa komonyun, apan dali ra gihapon kitang makapasakit sa ubang tawo pinaagi sa atong mga pulong.

Nagdawat kita sa Prinsipe sa Kalinaw, apan usahay kita pa ang hinungdan sa panagbulag o panag-away sa mga tawo.

Nagdawat kita sa kamatuoran apan aduna kanato magpadayon sa pagpakatap sa bakak ug sayop nga impormasyon.

Nagdawat kita sa Ginoo nga nahimong kabus alang kanato, apan tan-awa, usahay wala kitay pagtagad sa kabus ug mga nag-antos.

Nagdawat kita sa Ginoo nga nagpasaylo sa iyang mga kaaway, apan aduna kanato may kasuko o pagdumot nga atong gidala-dala sulod sa daghang katuigan. Mao kana ang dakong trahedya.

Ang Eyukaristiya mosulod sa atong baba apan usahay dili makasulod sa atong kasingkasing. Ang Eyukaristiya makatandog sa atong mga ngabil apan dili kanunay makausab sa atong kinabuhi.

Mga igsuon, ang katuyoan sa Eyukaristiya dili lamang mao nga simbahon si Cristo. Ang katuyuan sa Eyukaristiya mao nga kita mahimong sama kang Cristo.”